Corrupción y trata de seres humanosanálisis de las relaciones entre ambos delitos y su plasmación en el ordenamiento jurídico-penal

Resumo

A presente tese de doutoramento ten como principais obxectivos examinar os vínculos entre a trata de seres humanos e a corrupción, e analizar criticamente a resposta do Dereito Penal no tocante á participación de funcionarios públicos na trata. Para iso, abórdase, en primeiro lugar, a evolución da normativa internacional na materia, o concepto de trata de persoas e o de corrupción. Deste xeito, delimítase claramente o que se entende, a nivel teórico, por condutas corruptas relacionadas coa trata. Posteriormente, ofrécese unha descrición criminolóxica do fenómeno da corrupción relacionada coa trata en Europa. Isto permite unha mellor comprensión de quen, como e cando pode levar a cabo estas condutas. Partindo desta información, estúdase a resposta penal fronte á corrupción relacionada coa trata en España, a través da análise dogmática do artigo 177 bis 5 do Código penal e da xurisprudencia ao respecto. Finalmente, con toda a información obtida, propóñense medidas para mellorar a represión e a prevención destes comportamentos, destacando a importancia de superar a perspectiva meramente criminocéntrica.